Никако да седнам да напишам некои од подолгите работи, ама само за илустрација колку филмовите се голема работа во Индија: за некој филм, картите за првиот ден на прикажување се шиткале на црно за 1800 денари, што ќе му дојде некои 10 пати повеќе од цена на билет во пристојно кино. ДЕСЕТ пати за да видиш филм ден два порано!!!

Филмската индустрија е толку развиена, што ми имаат кажано дека ако на телевизија видиш песна со вистински спот (значи не е од некој филм) тогаш песната веројатно е од Пакистан.

Не знам колку Баграши знаат дека Индија е прилично демократска земја со прилична слобода на печатот. Мене тоа најочигледно ми стана од односот кон „животот и делото“ на Индира Ганди.

Јес дека нам ни сервираа од политички причини (неврзаните, кои патем тука никој не ги споменува) розова слика за Индира Ганди, но таа и има постигнато работи кои се ценат во Индија. Ако ништо друго, пар години по настаните за кои ќе пишувам, таа била повторно избрана за премиер, па син и и беше премиер (во Индија секогаш во весниците пишуваат за чиј син/ќерка е текстот ), а сега снаа и е лидер на владеачката партија во Индија. Индира Ганди има направено многу реформи во земјата, ги има одјебувано Американците, и конечно има загинато во атентат.

Од коментарите на првиот пост. Цените ќе ги кажувам во рупии, бидејќи 1 рупија е 1,2 денари, значи слично. Инаку за плата, жена што ја сече тревата со ножици на кампусот зема 100 рупии дневно, градежен инженер може и само 7-8000 месечно, комјутерџии мислам дека тука почнуваат со 13000 (со тоа што ти гарантираат кога тогаш одење во странство со други дневници) и одат и над наши плати. Значи мнозинството земаат помалку до многу помалку од кај нас, ама имаш и струки како ИТ каде што е подобро. Постојано сретнувам Индијци кои се вратиле од С. Америка и Европа и сега работат за големиве индиски фирми.

Ова е како вовед со правни забелешки за цртичките за Индија што ќе ги пуштам од сега па додека да ми здосади.

Јас летово го минувам во Бангалор, во Силициумската долина на Индија. Тука сум на МБА пракса во една од најголемите и најценети индиски ИТ фирми. На Багра ќе пишувам за интересни работи што ги забележувам тука. Нема многу (или воопшто) да се обидувам да давам подлабоко толкување на работите, а исто нема многу многу и за фирмата да коментирам. Сепак ќе се трудам да не пуштам ист тип на блуткави информации што ги имаше во туристичките емисии што А1 ги купуваше на времето, а можеби уште го прави тоа.