Google Blogoscoped има напис во кој се обидува да објасни зошто добрите програмери се мрзливи и глупави. Пристапот кон оваа појава е многу необичен и директен. А аргументите? Од написот:

Communication Breakdown

Инициран од еден конфликтен микро-пример од мојот блог Panta Rei, но и од многу повеќе примери чиј сведок сум веќе подолго време, решив да напишам збор-два за мојата лична перцепција на различните начини на кои меѓусебно комуницираат, еве да поедноставам, паметните и глупавите. Знам дека од почеток правам две груби грешки уште во премисата, но сакам само да ја упростам терминологијата и полесно да дојдам до содржината. Грешките во премисата се: а) тешко се повлекува јасна граница меѓу паметен и глупав, па затоа јас ќе изберам да ги искористам овие два термина за да означам релативно лабави множества, кои дури можат меѓусебе и да се пресекуваат во некоја област. И б) втората грешка е што влегувам во генерализација, што веднаш создава логички лизгав терен, и заклучок кој тешко ќе се одбрани.

Грција е навистина редок пример во светот за напредна земја, со релативно стабилни економија и политика, но која грубо ги крши основните човекови права на малцинствата кои живеат на нејзината територија, и тука пред се' мислам на Грците со македонско (па и бугарско и албанско) етничко потекло.

Не само што не им дозволува да се изјаснат како Македонци, Владата на Грција со децении не дозволува ни да зборуваат на својот мајчин јазик, ниту пак да учат на него. Македонците не можат да ја изучуваат својата историја, словенските (македонски) топоними во Грција се заменети со грчки, не можат да оформат своја партија која ќе ги застапува нивните интереси, и слично. Веднаш по (за нас) неуспешната Граѓанска Војна во Грција, Македонците беа масовно протерани од Грција, и тоа во огромен број, десетици, па и стотици илјади. Нивните имоти беа дадени на грчки доселеници дојдени од сиромашниот грчки Југ, а некои села беа и срамнети со земја, без траг да остане од нив.

Само што се вратив дома од Балканскиот музички плоштад (Balkan Music Square), кој се одржа во Античкиот театар во Охрид. Вечерва беше финалната вечер, а настапија една вокална група од Албанија, г-динот Пагани од Италија, на кого постепено му се придружија членовите од македонската етно група Синтезис.

Концертот беше бесплатен, а Античкиот театар повеќе од полн. Во духот на Балканскиот музички менталитет ние задоцнивме малку, па се сместивме на работ од улицата која поминува веднаш над театарот, што ни даваше прекрасен поглед на сцената и позадината (целото езеро, до Поградец, заедно со крајбрежјето, кое беше осветлено во населените места). Ѕвезди на небото имаше малку заради облаците, но сосем доволно.

По прашањето на постоењето на Бог (како супериорно суштество, и вон доменот на сите религии), постојат три главни филозофски правци или верувања: оние кои го докажуваат неговото постоење (теисти), оние кои го спорат (атеисти) и оние кои сметаат дека таквото прашање не може да се одговори (агностици). Подолу ќе набројам некои од главните аргументи и тврдења, сублимирани во нивната суштина.