Љубителите на сите видови финансиски катастрофи и сите добри познавачи на економската пропаст ги израдува веста дека, после повеќемесечната глобална турнеја по западот, истокот, северот и југот, Светската Економска Криза конечно дојде да го одржи својот ултра гига мега популарен настап и во нашата земја. Публиката во Србија, која уште од 90-тите години е навикната на перформанси од ваков вид, ќе може во живо да ги слушне хитовите кои за оваа светска ѕвезда ги напишаа врвните автори Дау Џонс, Лиман Брадерс, Вол Стрит, Форт Нокс и многу други креатори на најновите глобални трендови. Многубројните домашни фанови на Светската Економска Криза (скратено и нагалено СЕК) ќе се наслушаат нумери кои со месеци ги заземаат првите места на сите релевантни шит листи во многу земји во светот: „Берзица си била“, „И тебе сам сит, банко“, „Само једном се губи“, „Потсети ме шта то беше новац“ и „Пропадам ја, гладујеш ти“.

Добро информираните извори тврдат дека по доаѓањето во нашата земја, на СЕК ќе и биде приреден пречек каков што заслужува една ваква светска ѕвезда. На пример, во чест на оваа модерна икона на глобалните текови на парите, еден од главните домаќини ќе биде Претседателот на својот кабинет, а со самото тоа и државата. Домаќинот ќе се заблагодари на тоа што ваквата голема светска ѕвезда со своето доаѓање ќе докаже дека европските интеграции продолжуваат не само во добро туку и во зло, така да нема да има враќање во 90-тите, во кои само на нас ни беше лошо, бидејќи сега на сите им е лошо!

Од домаќините СЕК ќе добие подарок ремек дело на научната фантастика: подебел „Зборник за предизборните ветувања“, книга која благодарение на глобалните економски трендови дополнително доби на својата почетна надреалност. Претседателот, многубројните потпредседатели, неброените министри на Владата во Србија и една жирафа, а во знак на добредојде, на убавицата на глобалната рецесија наместо цвеќе ќе и се подари гранка од шипинки, дрво кое најмногу го симболизира растот на стопанството, брз влез на странски инвестиции, зголемување на пензиите и целокупен подобар живот на граѓаните. Уплакани од радост што ја гледаат, а и поради многу други нешта, Светската Економска Криза, ќе ја запознаат и малубројните претставници на домашното стопанство, нудејќи и ја безуспешно, со хорски вовед, песната „Лав ми, Тендер“, се она што во изминатите години е купено на јавни аукции и за кое сега многу тешко може да се најдат купувачи. Претставниците на опозицијата нема да се појават на овој прием, во знак на протест што СЕК со своето доаѓање во Србија на власта и овозможи секаков изговор за неуспесите, а се до одржување на следните редовни парламентарни избори.

Својот прв настап во Србија СЕК ќе го одржи пред Народната Банка на Србија, во чест и цел на паѓањето на динарот. Настапот веќе сега е спектакуларен, уште додека финансиските фанови се собираат пред бината и додека настапува предгрупата ММФ, бидејќи од правецот на НБС на бината интервентно паѓа голема количина на девизи, а со цел да се намали нервозата на хистеричните љубители на силната валута.

Просторот во кој ќе настапува СЕК полека се пополнува и многубројните членови на Управните Одбори на јавните претпријатија, советници на се што има тапацирана фотелја и секретарка, корисници на превозни средства со затемнети стакла, прекупци на градежно земјиште, посредници (од втора, трета, четврта и ен-та рака) во воз, трговци на стратешки суровини, експерти, аналитичари и многу други поклоненици на овој вид на претстави. Многубројната домашна публика со време видливо ќе се зголеми во вид на пензионери и невработени, како и вработените на многу претпријатија кои наскоро својата работа ќе ја прекинат, додека настапот на Светската Економска Криза не заврши и додека не се нормализира сообраќајот, ако за ништо друго, тогаше барем за парите.

На крајот на настапот чија должина се уште не се знае, а оптимистите предвидуваат дека претставата ќе трае миниму една година, големата светска ѕвезда на нашата публика ќе се заблагодари на френетичните немири и штрајкови, па ќе изведе уште неколку точки на бис, а во чест на зделката на столетието со „Фиат“. А потоа ќе си замине, преполна со убави впечатоци кои ги понесува од Србија, земја која очигледно и дефинитивно излезе од изолација.

п.с. текстов го добив на емајл,решив да го споделам со вас, ама ако знае некој кој е авторот,пишете одма да правам едит.

п.п.с. викаат ќе има концерт и кај нас, само некако ич не ми се оди...